კატალონიური Sport-ის მიერ გავრცელებული ინფორმაციის თანახმად, “ბარსელონას” ხელმძღვანელობა დანი ალვეშთან ახალი კონტრაქტის გაფორმებას შეეცდება.
აქამდე არსებული ინფორმაციით, “ბარსას” მთავარ მწვრთნელს, ლუის ენრიკეს, ბრაზილიელთან ხელშეკრულების გახანგრძლივება სურდა, მაგრამ კლუბის ხელმძღვანელობა წინააღმდეგი იყო და ალვესის თავისუფალი აგენტის სტატუსით სეზონის ბოლოს გაშვებას გეგმავდა. კატალონიელებს “პორტუს” მარჯვენა მცველის, დანილოს დამატება უნდოდათ, მაგრამ “რეალთან” და “მანჩესტერ იუნაიტედთან” კონკურენციამ ამ ტრანსფერის ალბათობა მნიშვნელოვნად შეამცირა.
ესპანელი ჟურნალისტების ცნობით, “ბარსელონას” ხელმძღვანელობამ ალვეშთან გახანგრძლივება გადაწყვიტა. როგორც ცნობილია, ფეხბურთელს 3-წლიანი კონტრაქტის გაფორმება სურს და კლუბი შეეცდება ის 2-წლიან ხელშეკრულებაზე დაითანხმოს.
