კიშინიოვის “დაჩიამ” თურქეთში შეკრებაზე ამხანაგურ შეხვედრაში მოსკოვის “ლოკომოტივი” 3:2 დაამარცხა და ერთი გოლი ჯაბა დვალმა გაიტანა.
ქართველი თავდამსხმელი თამაშში შესვენების შემდეგ ჩაერთო და 55-ე წუთზე, მისი დარტყმის შემდეგ ანგარიში 2:1 გახდა. კიდევ ერთი ქართველი ფორვარდი დავით სირაძე “დაჩიას” სასტარტო შემადგენლობაში იმყოფებოდა.
მოლდოვურის საფეხბურთო კლუბის ვებგვერდის ინფორმაციით, მატჩის ერთ-ერთ ეპიზოდში “ლოკომოტივის” ხორვატი მცველი ვედრან ჩორლუკას და სირაძე შელაპარაკდნენ.
მომდევნო ამხანაგურ შეხვედრას “დაჩია” 28 თებერვალს დანიის “ვიბორგთან” ჩაატარებს.