საქართველოს საფეხბურთო ეროვნული ნაკრების ნახევარმცველმა ვაკო ყაზაიშვილმა არნემის “ვიტესს” არსებობის ისტორიაში ჰოლანდიის უმაღლეს დივიზიონში 150-ე მატჩი მოაგებინა.

ჰოლანდიის ერედივიზიონის 24-ე ტურში, “ვიტესმა” სტუმრად “ტვენტე” 2:1 დაამარცხა და ძირითადი დროსთვის დამატებულ მე-2 წუთზე გადამწყვეტი გოლი ქართველმა ნახევარმცველმა გაიტანა. მიმდინარე სეზონში 22 წლის ფეხბურთელმა ერედივიზიონში და თასზე 23 მატჩი ჩაატარა, რომლებშიც 5 გოლი გაიტანა.

აქვე გეტყვით, რომ ჰოლანდიის უმაღლეს დივიზიონში “ვიტესმა” პირველად 1977 წელს მოიგო, როდესაც “ნაიმეგენი” 3:0 დაამარცხა.