“პარი სენ-ჟერმენის” თავდამსხმელმა ზლატან იბრაჰიმოვიჩმა ლიგა 1-ის 25-ე ტურის მატჩის შემდეგ (“კაენთან” 2:2) ჟურნალისტებთან კომენტარი გააკეთა.

“რაც “კაენთან” მატჩში მოხდა, მსგავსი მე არ შემმთხვევია. ჩვენ ორი ქულა დავკარგეთ. გოლი გავიტანე, მაგრამ ეგ არაფერს ნიშნავს, რადგან გუნდმა მოგებული თამაში ფრედ დაამთავრა.”- იბრაჰიმოვიჩის სიტყვებს Goal.com ციტირებს.

საფრანგეთის ჩემპიონატის 25-ე ტურში პსჟ პარიზში “კაენს” იბრაჰიმოვიჩის და ლავეცის გოლებით მატჩის 89-ე წუთამდე 2:0 უგებდა, მაგრამ “კაენმა” სამწუთიან მონაკვეთში ორი გოლი გაიტანა და პარიზიდან ქულის წაღება შეძლო.