ესპანეთის ეროვნული ნაკრების და მადრიდის “რეალის” მცველი სერხიო რამოსი, მუხლქვედა მყესის ტრავმის გამო, “სამეფო კლუბს” სამი კვირის განმავლობაში ვერ დაეხმარება. აღნიშნული ინფორმაცია “ბლანკოსის” ოფიციალურმა ვებგვერდმა გაავრცელა.

ესპანური AS-ის ცნობით კი, 28 წლის ფეხბურთელის სარეაბილიტაციო პერიოდი, აღნიშნული დაზიანების გათვალისწინებით, 6 კვირა გაგრძელდება.

რამოსმა დაზიანება “სევილიას” წინააღმდეგ პრიმერადივიზიონის გადადებულ შეხვედრაში მიიღო და მე-9 წუთზე მის ნაცვლად მოედანზე ნაჩო შევიდა. აღნიშნულ შეხვედრაში ტრავმა ხამეს როდრიგესმაც მიიღო.

მიმდინარე სეზონში სერხიომ “რეალის” მაისურით ყველა ტურნირზე 29 შეხვედრა ჩაატარა და მეტოქე 6-ჯერ დაამწუხრა.