ტურინის “იუვენტუსისა” და იტალიის ნაკრების ლიდერმა ანდრეა პირლომ გულშემატკივრების შეკითხვებს უპასუხა. ანდრეა მეტად საინტერესო საკითხებს შეეხო.
სკუდეტო – “ჯერ გარკვეული არაფერია. შვიდქულიანი სხვაობა არაფერს ნიშნავს, “რომა” ბოლომდე იბრძოლებს”.
“დორტმუნდი” – “პირველ შეხვედრას დიდი მნიშვნელობა აქვს. სწორედ მისი შედეგიდან გამომდინარე წარიმართება მეორე საპლეიოფე მატჩი”.
ყველაზე ლამაზი გოლი – “შარშან “ნაპოლის” კარში გატანილი საჯარიმო და ამავდროულად იტალიის ნაკრების მაისურით ბრაზილიაში 2013 წელს გატანილი გოლი”.
ყველაზე მნიშვნელოვანი ტიტული – “რა თქმა უნდა 2006 წელს მოგებული მსოფლიოს ჩემპიონატი”.
იდეალი – “რობერტო ბაჯო! –გამიმართლა, რომ მის გვერდით ვითამაშე”.
