გერმანული “ბილდის” ინფორმაციით, სლოვენიის ეროვნული ნაკრების და “მარიბორის” მარჯვენა მცველი პეტარ სტოიანოვიჩი კარიერას ბუნდესლიგის ბინადარ “ჰანოვერში” გააგრძელებს.

19 წლის ფეხბურთელი ახალ კლუბში სამედიცინო შემოწმებას უახლოეს მომავალში გაივლის და 4.5-წლიან კონტრაქტს გააფორმებს. “ჰანოვერმა” ახალგაზრდა მცველის სანაცვლოდ 1.5 მილიონი ევრო გადაიხადა.

მიმდინარე სეზონის უეფას ჩემპიონთა ლიგის ჯგუფურ ეტაპზე პეტარმა ლონდონის “ჩელსის” წინააღმდეგ ორივე შეხვედრა შეუცვლელად ჩაატარა და ფეხბურთელის მიმართ ევროპულ კლუბებში ინტერესი გაჩნდა. სტოიანოვიჩის შეძენა ლონდონის “არსენალსაც” სურდა, თუმცა როგორც ჩანს, პეტარმა განვითარებისთვის გერმანული კლუბში გადასვლა აირჩია.

სტოიანოვიჩმა მიმდინარე სეზონში “მარიბორის” მაისურით 22 შეხვედრა ჩაატარა და სამი საგოლე გადაცემა შეასრულა. ეროვნულ ნაკრებში მცველის დებიუტი 2014 წლის 18 ნოემბერს შედგა. კოლუმბიასთან წაგებულ (0:1) ამხანაგურ შეხვედრაში მან 45 წუთი ითამაშა.